စနေနေ့က ပျင်းပျင်းရှိတာနဲ့ ဘယ်သွားရကောင်းမလဲ စဉ်းစားနေတုန်း အိမ်က ကျောင်းတက်နေတဲ့ အစ်မတစ်ယောက်က သူအလုပ်လုပ်နေတဲ့ Carrefour မှာ အခုတလော Discount တွေ အရမ်းလုပ်နေပါသတဲ့။ သတင်းကောင်း ပေးလာပါတယ်။ T-shirt တွေများ ကလေးဝတ်၊ မိန်းမ၀တ်၊ ယောကျာ်းဝတ် တစ်ထည်ကို (၂) ကျပ်ပဲ ရှိပါသတဲ့။ ဒါနဲ့ပဲ စလုံးတွေရဲ့ ၀သီအရ Discount ဆို ၀ယ်ပီးသားဆိုတဲ့အတိုင်း ကျွန်မလည်း ချီတက်ခဲ့ပါတယ်။.. (ရေးထားတာကြည့်လိုက်ရင်တော့ စလုံး လိုလို ဘာလိုလိုပေါ့လေ... :P)
ကျွန်မသွားတာက ညနေပိုင်းလောက်မှပါ...။ များလိုက်တဲ့လူတွေ Discount ဆိုတာနဲ့ကိုပဲ လိုလား မလိုလားတောင် မသိဘူး။ ၀ယ်နေကြတာပဲ..။ ကျွန်မကတော့ ပိုက်ဆံကိုလည်း တွက်ချက်သုံးသေး။ သူများက Discount ဆို ကိုယ်လည်း လိုက်ပီး Discount လုပ်ချင်တဲ့လူဆိုတော့ ... ဟိုကြည့် ဒီကြည့်နဲ့ ၂ ကျပ်တန်ဆိုတာပဲ ရှာရတာပေါ့လေ...။ (ကြုံတုန်း ကြွားတာပါ..)
Sony Ericsson ဖုန်းတွေများ ပုံမှန် ၆၀၀ တန်လောက်ကို ၄၀၀ ကျော်လောက်။ ပုံမှန် ၄၀၀ တန်လောက်ကို ၃၀၀ လောက်..။ ဈေးတွေ တော်တော်ချပါတယ်...။ စနေနေ့ ညနေပိုင်းဆိုတော့ လူတွေကလည်း တော်တော်များပါတယ်...။ Aircon တွေ၊ ကလေးတွေ လေ့ကျင့်တဲ့ စာအုပ်၊ စီဒီ တော်တော် ဈေးချပါတယ်...။ တစ်ချို့ဆို (50%) Discount တွေပါ...။
အဲဂလိုနဲ့ တံတွေးကို မြိုချလို့ ၂ ကျပ်တန်ကို တွေ့တယ်ဆိုရင်ပဲ တရုတ်၊ ကုလား.. လူကြီး၊ လူငယ် အစုံပါပဲ...။ အကျီပုံစံတွေကတော့ သိပ်ပီး ဒီဇိုင်းမများပါဘူး။ ကလေးဝတ်ထဲမှာဆိုရင် အရောင်မတူ၊ ဒီဇိုင်းမတူ (၄) မျိုးလောက်...။ အမျိုးသမီးဝတ်ထဲမှာဆို ဒီဇိုင်းကတော့ (၃) မျိုးလောက်ပဲရှိပါတယ်..။ ကာလာခွဲတွေတော့ ရှိပါတယ်..။ ယောကျာ်းဝတ်ကတော့ နည်းနည်းရှားပါတယ်..။ အဲဒါနဲ့ပဲ သိပ်မကြိုက်လှပေမဲ့ ၀ယ်သင့်တယ်ပေါ့လေ...။ (ကိုယ့်ဟာကိုယ်မှတ်ချက် ချတာပါ..) ပန်းရောင်လေးတစ်ထည် ၀ယ်ဖြစ်ပါတယ်...။
စကဒ်လေးတွေလည်း တော်တော်လေးကိုလှပါတယ်...။ အရင်က ၂၅ ကျပ်တန်က အခု ၁၄ ကျပ်လောက်ပဲရှိပါတယ်...။ စကဒ်အမဲလေးတထည်ကို ကြိုက်တာနဲ့ ဈေးကလည်း ကပ်ထားတာ ၁၂ ကျပ်ရယ်... ၁၉ ကျပ်ရယ်ဆိုတော့ မသေချာတာနဲ့ အဲဒီနားက Staff တစ်ယောက်ကို ဒါက ဘယ်လောက်လဲလို့ ဘိုလိုမှုတ်လိုက်ပါတယ်...။ အဲဒါ အဲဒီ Staff က အနားက နောက်တယောက်ကို လှမ်းမေးပေးပါတယ်...။ နီလာ.. ဒါဘယ်လောက်လဲ တဲ့...။ အဲတော့မှ ကျွန်မလည်း မြန်မာမှန်းသိပါတယ်..။ သူက ကျွန်မကို လှမ်းပြောပါတယ်.... It's only 12 dollars တဲ့...။ ဟီး ... ရီချင်လိုက်တာဆိုတာ တစ်အားပဲ...။ ကျွန်မဖြစ်ပုံ ပြောပါတယ်...။
အိမ်ရောက်တော့ အကျီလေးကို လျှော်ပီး စတစ်ကာပါတဲ့နေရာကို မီးပူနဲ့ထိုးကြည့်ပါတယ်...။ ဈေးချိုတော့ စတစ်ကာ ကောင်း မကောင်း သိချင်တာနဲ့ပါပဲ။ ကံကောင်းစွာပဲ စတစ်ကာကို မီးပူထိုးလို့ရပါတယ်..။ ဘာမှမဖြစ်ပါဘူး...။ ၀ယ်တာတန်တယ်ဆိုရမှာပေါ့လေ...။ အခုလည်း ရှိပါသေးတယ်.. အနီရောင်လေးက ကလေးဝတ်ဒီဇိုင်း တစ်မျိုးပါ။ သူလည်း မီးပူအထိုးခံပါတယ်...။ Discount စိတ်ဝင်စားသူများအတွက်ပါနော်...
No comments:
Post a Comment